तिमीसंग अजंगको साहस छ…..

आगोसंग पनि खेल्छु म

पानीको त के कुरा…..

धमिलो भेलले बगाएर लैजान्छ कि भन्ने पीर छ

डढेलोले स्वाहा बनाउँला कि भन्ने पीर छ ।

………………………………………………………

मैदानमा उत्रेको छु

खुट्टा तान्ने लठैतहरुको छिर्केबाट पनि जोगिनु छ

तित्राझैं कुरा काट्ने व्यसायिक हुँ भन्नेहरुसंग पनि जोगिनु छ

अजिंगररुपी कतिबेला झम्टिन्छन् थाहै नहुनेहरुसंग पनि बच्नु छ ।

……………………………………………………..

हरेक पेशामा ठेकेदारहरु भेटिएका छन्

चाहन्छन् यी सबै मेरा पाउमा परुन्

तर म भन्छु,

पेशा स्वतन्त्र छ, हुन्छ र रहनेछ ।

……………………………………………………

ब्वाँसारुपीहरुले तिमीलाई पनि आक्रमण गर्लान्

चिथोर्न खोज्लान्, रगत पिउने कोशिस गर्लान्

नआत्तिनु, तिमीसंग तिमीभित्रको अजंग साहस मैले देखेकी छु

म त बाहिर निस्किसकें ।।।