अधिकांश कर्मचारीलाई कोरोना भएपछि ग्लोबल आइएमई बैंकको बिर्तामोड शाखा बन्द

झापा । ग्लोबल आइएमई बैंक बिर्तामोड शाखाका अधिकांश कर्मचारीलाई कोरोना संक्रमण भएपछि बन्द भएको छ ।

बैंकले सूचना जारी गरी असहज परिस्थितिका कारण सेवा बन्द गर्नु परेको जनाएको छ ।

बैंकमा कर्मचारी, सुरक्षा गार्ड र ड्राइभर गरी २३ जना स्टाफ छन् । त्यसमध्ये १८ जनालाई कोरोना संक्रमण देखिएपछि कार्यालय बन्द गरिएको हो ।

विगत चार दिनदेखि सेवा प्रवाह गर्न नसकिरहेको बैंकले जनाएको छ ।

अहिलेको असहज परिस्थतिलाई बुझिदिन समेत बैंकले आग्रह गरेको छ ।