कचनकवलमा हरिण मार्ने दुई जना पक्राउ

बिर्तामोड । प्रहरी चौकी पथरियाले हरिणको छालासहित मंगलबार दुई जनालाई पक्राउ गरेको छ।

झापाको कचनकवल गाउँपालिका-३ का लुखिराम हस्दा र सुमन टुडु पक्राउ परेका हुन् ।

हरिणको छालासहित उनीहरुलाई पक्राउ गरिएको जिल्ला प्रहरी कार्यालय झापाले जनाएको छ ।

झापा प्रहरीका प्रवक्ता डिएसपी राकेश थापाले दुई जनालाई पक्राउ गरी डिभिजन वन कार्यालय झापामा बुझाउने तयारी भइरहेको बताए।

नजिकैको सामुदायिक वनमा हरिण मारेर खाएको सूचनाका आधारमा उनीहरु पक्राउ परेका हुन् ।