भेनको ठक्करबाट सुनसरीमा एक पैदल यात्रीको मृत्यु

सुनसरी । सुनसरीको ईटहरी–१२ खनार सोमबारे चोकमा भेनको ठक्करबाट एक पैदल यात्रीको मृत्यु भएको छ ।

मृत्यु हुनेमा ईटहरी–११ की ५६ बर्षीया गंगा ढकाल रहेकी छन् ।

हिजो राती करिब ९ बजे ईटहरीबाट दुहबी तर्फ जादै गरेको को.१० च. ५५७३ नम्बरको पिकअप भेनले पैदल यात्री ढकाललाई ठक्कर दिई गम्भिर घाईते बनाएको थियो ।

घाईते ढकालको कोशी अस्पताल विराटनगरमा उपचारको क्रममा हिजो राती मृत्यु भएको प्रहरीले जनाएको छ ।

ठक्कर दिने भेन प्रहरीको नियन्त्रणमा रहेको छ भने चालक फरार रहेकोले खोजतलास भईरहेको छ ।