Author: खबरमञ्च
झापा- चारआली व्यारेकस्थित अरिदमन गणका एकजना सैनिकले झुन्डिएर आत्महत्या गरेका छन्। अरिदमन गणमा कार्यरत प्यूठ रामकुमार पौडेलले बिर्तामोड बसपार्कस्थित होटल भैरवीमा बिहीबार साँझ झुन्डिएर आत्महत्या गरेका हुन्। ओखलढुङ्गा घर भएका उनले अर्जुनधारा ११ स्थित नयाँ बसपार्कको भैरबी होटलको दोस्रो तलामा रहेको कोठा नं. ३ को सिलिङ फ्यानमा झुण्डिएर आत्महत्या गरेका हुन्। होटलका संचालक तुलसीराम श्रेष्ठले देखेर इलाका प्रहरी कार्यालय बिर्तामोडमा जानकारी गराएका थिए। आत्महत्या गर्नुअघि ती सैनिकले फेसबुकमा सुसाइड नोट लेखेको बताइएको छ। घटनाको अनुसन्धान भइरहेको जिल्ला प्रहरी कार्यालय झापाले जनाएको छ।
झापा– बैंकिङ कसूरको आरोपमा पक्राउ परेका झापा बिर्तामोडका भानु शिवाकोटी रिहा हुनेबित्तिकै पुनः पक्राउ परेका छन्। अञ्जली ओभरसिजका सञ्चालक तथा वैदेशिक रोजगार व्यवसायी संघ झापाका पूर्व अध्यक्ष शिवाकोटीलाई जिल्ला प्रहरी कार्यालय झापाले बिहीबार फेरि पक्राउ गरी काठमाडौँ पठाएको हो। बिर्तामोड– ३ का कुमार दाहालले ११ लाख रुपैयाँको चेक बाउन्सको उजुरी दिएपछि शिवाकोटी आइतबार पक्राउ परेका थिए । उनलाई जिल्ला प्रहरी कार्यालय झापाको हिरासतमा राखिएको थियो। दाहालसँगको मुद्दा मिलाएर रिहा हुनेबित्तिकै काठमाडौँका अर्का एक व्यक्तिको चेक बाउन्सको उजुरीका आधारमा उनलाई पुनः पक्राउ गरी काठमाडौँ पठाइएको डीएसपी खगेन्द्र खड्काले जानकारी दिए।
झापा- महालेखा परीक्षकको ६२ औँ वार्षिक प्रतिवेदन २०८२ अनुसार झापाका १५ स्थानीय तहमध्ये मेचीनगर नगरपालिकामा सबैभन्दा बढी ६.११ प्रतिशत बेरुजु देखिएको छ। मेचीनगरको बेरुजु रकम २२ करोड ५६ लाख १२ हजार रुपैयाँ रहेको छ। प्रतिवेदन अनुसार दोस्रो धेरै बेरुजु कचनकवल गाउँपालिकामा ४.५१ प्रतिशत (६ करोड ४३ लाख १ हजार रुपैयाँ) र तेस्रोमा बुद्धशान्ति गाउँपालिकामा ४.१० प्रतिशत (६ करोड ४४ लाख ७२ हजार रुपैयाँ) रहेको छ। सबैभन्दा कम बेरुजु बाह्रदशी गाउँपालिकामा ०.७२ प्रतिशत अर्थात् ७५ लाख ६ हजार रुपैयाँ देखिएको छ। अन्य पालिकाको बेरुजु विवरण यसप्रकार छ: बिर्तामोड नगरपालिका (३.२४%), भद्रपुर नगरपालिका (२.९८%), शिवसताक्षी नगरपालिका (१.७६%), अर्जुनधारा नगरपालिका (३.४४%), कन्काई नगरपालिका…
काठमाडौँ- नेपाली कांग्रेसका महामन्त्री विश्वप्रकाश शर्माले विश्वको सर्वोच्च शिखर सगरमाथा आरोहण गर्ने भएका छन्। पर्यटन विभागले जनाए अनुसार महामन्त्री शर्माले यसका लागि विभागबाट हिमाल आरोहणको अनुमति लिइसकेका छन्। पर्यटन विभागका निर्देशक हिमाल गौतमले वसन्त ऋतुको जारी सगरमाथा आरोहणका लागि कांग्रेस महामन्त्री शर्माले अनुमतिपत्र प्राप्त गरेको पुष्टि गरेका छन्। आरोहण एक्सपिडिसन कम्पनीका अनुसार यस वसन्त ऋतुमा हालसम्म ५० भन्दा बढी आरोहीले सगरमाथाको सफल आरोहण गरिसकेका छन्। आज राति पनि थुप्रै आरोही शिखरमा पुग्ने तयारीमा रहेको बताइएको छ। पर्यटन विभागको तथ्याङ्क अनुसार यस वसन्त ऋतुमा सगरमाथा आरोहणका लागि ४५ आरोही समूहका ४५८ जनाले अनुमति लिएका छन्। सगरमाथासहित अन्य २७ वटा हिमाल आरोहणका…
झापा- नेपाल प्रहरीको केन्द्रीय अनुसन्धान ब्यूरो (सीआईबी) ले अवैध वित्तीय कारोबारमा संलग्न ७ जनालाई झापाको मेचीनगर–१० धुलाबारीबाट पक्राउ गरेको छ। पक्राउ पर्नेमा गिफ्टोरियम नामक आयात–निर्यात कम्पनी सञ्चालन गर्दै आएका व्यापारी कविस मारु, अनुज मारु, निर्मल राई, दिपेन्द्र खड्का, महेश पौडेल, अंकित अग्रवाल र सुनिल राई रहेका छन्। सीआईबीको टोली बुधबार बिहान ७ बजेतिर धुलाबारी पुगेर पहिला ६ जना र पछि थप एक जनालाई पक्राउ गरेको हो। पक्राउ परेकाहरूलाई जिल्ला प्रहरी कार्यालय झापामार्फत काठमाडौं लगिएको प्रहरी स्रोतले जनाएको छ। प्रहरीका अनुसार उनीहरूले अवैध तरिकाले ठूलो परिमाणमा रकम परिचालन गर्दै आएका थिए। प्रारम्भिक अनुसन्धानमा अर्बौँ रुपैयाँ बराबरको अवैध कारोबारमा संलग्न रहेको खुल्न…
बिर्तामोड- बिर्तामोड नगरपालिकाले वडा नम्बर ७ मा रहेको सीताराम मन्दिर टोल कषक समूहलाई बाख्रा वितरण गरेको छ । मेयर पकेट प्याकेज ग्रामिण बाख्रा साटासाट कार्यक्रम अन्तर्गत आज १५ जना कृषकलाई ४५ वटा बाख्रा वितरण गरेको हो । प्रतिकृषक ३ वटाका दरले विमा गरिएका बाख्रा वितरण गरिएको हो । उक्त समूहलाई एउटा उन्नत जातको विउ बोकासमेत वितरण गरिएको छ । बाख्रा साटासाट कार्यक्रम बिर्तामोडमा २०७४ सालदेखि सञ्चालनमा छ । बिर्तामोडमा १८ वटा बाख्रा कृषक समूह छन् । कार्यक्रम सुरु भएदेखि अहिलेसम्ममा ८ सय १० वटा बाख्रा वितरण गरिसकिएको नगरका पशुपंछि तथा मत्स्य विकाश शाखा प्रमुख डा. नगेन्द्र खड्काले जानकारी दिए। कार्यक्रमकी…
बिर्तामोड- बिर्तामोड नगरपालिका वडा नम्बर ३ स्थित अदुवा खोलामा धमाधम तटबन्धन भइरहेको छ । बिर्ताबजार पश्चिम पुलको उत्तर भागमा ४४ मिटर क्षेत्रफलमा तटवन्धन कार्य भइरहेको हो । जलस्रोत तथा सिँचाई विकास डिभिजन कार्यालयको ३० लाख रुपैयाँ बजेटमा उपभोक्ता समितिमार्फत काम भइरहेको वडा नम्बर ३ का वडासदस्य हरि बाँस्कोटाले जानकारी दिए । यसमा ५ प्रतिशत उपभोक्ताकोसमेत श्रमदान रहनेछ । तटवन्धनले कटानको समस्या हल हुनका साथै छठ पुजास्थलसमेत व्यवस्थित हुने वडाअध्यक्ष मदन बुढाथोकीले बताए । वडा नम्बर १ र ५ को सिमानामा रहेको धिमाल टोल नजिकैको अदुवा खोला किनारमा पनि तटवन्धन कार्य धमाधम भइरहेको हो । ३० लाख रुपैयाँ बजेटमा उपभोक्ता समिति…
झापा- झापाको कचनकवल गाउँपालिका–१ स्थित घेराबारी स्वास्थ्य चौकीमा कार्यरत स्वास्थ्य सहायक (हे.अ.) विक्रम राजवंशीलाई गाउँपालिकाले सेवा करारबाट बर्खास्त गरेको छ। गाउँपालिकाका प्रमुख प्रशासकीय अधिकृत स्काई पोखरेलका अनुसार, राजवंशी विकास मेडिकल फार्मेसीसँग संलग्न भई प्रतिबन्धित औषधिको अवैध कारोबारमा संलग्न भएको पुष्टि भएपछि वैशाख २८ गतेको कार्यपालिका बैठकको निर्णयअनुसार सेवा सम्झौता रद्द गरिएको हो। औषधि व्यवस्था विभागको टोलीले वैशाख २५ गते बाह्रदशी ५ फुलबारीमा रहेको उक्त फार्मेसीमा निरीक्षण गर्दा ट्रामाडोल ७९५, एन्टीकोफ ४७० र डिक्लोमिन ३,९८० ट्याब्लेट फेला पारेको थियो। सो दिन राजवंशी कार्यस्थलमा अनुपस्थित रहेका थिए। निरीक्षणपछि गाउँपालिकाले उनलाई फार्मेसीसँगको सम्बन्धबारे कागजात पेश गर्न पत्राचार गरेको थियो, तर उनले तोकिएको म्यादभित्र…
कचनकवल- कचनकवल गाउँपालिकाले स्थानीय शिक्षा प्रणालीलाई सुदृढ बनाउने उद्देश्यसहित कक्षा १ देखि ८ सम्मको स्थानीय पाठ्यक्रम निर्माण गरि चालु शैक्षिक सत्रदेखि लागू गरेको छ। हाल प्रारम्भिक चरणमा कक्षा १ देखि ३ सम्मको पाठ्यक्रम र पाठ्यपुस्तक औपचारिक रूपमा लागू गरिएको गाउँपालिका अध्यक्ष कालेन्द्रप्रसाद सिंह राजवंशीले जानकारी दिए। गाउँपालिकाभित्र रहेका ३० वटा सामुदायिक विद्यालयमा यो पाठ्यक्रम लागू गरिएको छ भने निकट भविष्यमा संस्थागत विद्यालयहरूमा पनि सोही पाठ्यक्रम विस्तार गरिने अध्यक्ष राजवंशीले बताए। गाउँपालिकाको सभाहलमा आयोजित एक समारोहमार्फत “कचनकवल ज्ञानमाला शृङ्खला” अन्तर्गत तयार गरिएको स्थानीय पाठ्यक्रम र कक्षा १ देखि ३ सम्मका पाठ्यपुस्तकहरू विमोचन गरिएको हो। उक्त कार्यक्रममा गाउँपालिका अध्यक्षसहित प्रमुख प्रशासकीय अधिकृत…
झापा- ताप्लेजुङको प्रसिद्ध धार्मिकस्थल पाथीभरामा केबलकार निर्माणको बाटो खुलेको छ। पाथीभरा क्षेत्रमा प्रस्तावित केबलकार परियोजनाले वातावरणीय सन्तुलनमा असर पार्ने र लिम्बु समुदायको मुन्धुमी सभ्यतामाथि संकट ल्याउने भन्दै रोक लगाउन माग गरिएको रिटमा सर्वोच्च अदालतले यसअघि दिएको अल्पकालीन अन्तरिम आदेशलाई निरन्तरता नदिने निर्णय गरेपछि निर्माणको ढोका खुलेको हो। २०७८ चैत ७ गते यामबहादुर लिम्बुसहित आठ जनाले पाथीभरा देवी दर्शन केवलकार प्रा.लि. लगायतलाई विपक्षी बनाएर सर्वोच्च अदालतमा रिट दायर गरेका थिए। त्यसअनुसार प्रारम्भिक सुनुवाइमा न्यायाधीश सारंगा सुवेदीको एकल इजलासले केबलकार निर्माण तत्काल रोक्न आदेश दिएको थियो। तर आज भएको सुनुवाइमा न्यायाधीशद्वय नहकुल सुवेदी र अब्दुल अजिज मुसलमानको संयुक्त इजलासले उक्त आदेशलाई निरन्तरता…
