प्रतिनिधि सभामा राप्रपाको सातौँ जित, गृहमन्त्री खाँणलाई हराउँदै रुपन्देही-३ बाट बोहोरा विजयी

राष्ट्रिय प्रजातन्त्र पार्टीका दीपक बोहोरासँग २६ सय ४२ मतको अन्तरले गृहमन्त्री खाँण पराजित भएका हुन् ।

रुपन्देही ३ मा बोहोराले ३६ हजार ६४८ मत प्राप्त गरेका छन् भने खाणले ३४ हजार ६ मत पाएका छन् ।

गृहमन्त्री खाण पाँचदलीय गठबन्धनबाट नेपाली काँग्रेसका तर्फबाट उम्मेदवार थिए भने बोहोरा एमाले, राप्रपा र जसपाबीचको तालमेलका साझा उम्मेदवार थिए । योसँगै प्रतिनिधि सभामा राप्रपाका तर्फबाट ७ सिट भएकोछ।