झापाका कांग्रेस नेता थापाद्वारा पार्टीको प्रदेश १ को सभापतिका लागि उम्मेद्वारी घोषणा

झापा । नेपाली कांग्रेस प्रदेश १ को सभापति पदका लागि झापाका नेता उद्धव थापाले उम्मेदवारी घोषणा गरेका छन् ।

कांग्रेस झापाको दुई कार्यकाल सभापति बनेका थापा नेता कृष्णप्रसाद सिटौलानिकट हुन् ।

सिटौलाले उनलाई प्रदेश सभापतिको उम्मेदवारका रूपमा अघि सारेका हुन् ।

पार्टीको संस्थापन पक्ष र सिटौला समूह मिलेर जाने तयारीमा लागेपछि प्रदेश १ मा सिटौला पक्षले सभापति दाबी गरेको छ ।