दुई साताभित्र स्थानीय तह निर्वाचनको मिति घोषणा हुन्छ : मन्त्री केसी

विराटनगर । सहरी विकासमन्त्री अर्जुननरसिंह केसीले सरकारले आगामी दुई हप्ताभित्रै स्थानीय तहको निर्वाचनको मिति घोषणा गर्ने बताएका छन् ।

शनिबार विराटनगर विमानस्थलमा सन्चारकर्मीसँग कुरा गर्दै मन्त्री केसीले संविधान कार्यान्वयनको पाटोमा सरकार अगाडि बढेको भन्दै त्यसका लागि निर्वाचनको मिति घोषण गर्ने तयारी भइरहेको जानकारी दिए ।

उनले आगामी जेठको दोस्रो साताभित्रै स्थानीय तहको निर्वाचन गर्ने सरकारको तयारी रहेको पनि बताए ।

निर्वाचन घोषणाअगावै संविधान संशोधन प्रक्रियालाई टुंगोमा पुर्‍याउने सरकारको योजना रहेको उनको भनाइ थियो ।