झापा – झापा जिल्लाका १५ वटै स्थानीय तहहरू (८ नगरपालिका र ७ गाउँपालिका)ले आगामी आर्थिक वर्षका लागि नीति तथा कार्यक्रमसहितको बजेट सार्वजनिक गरेका छन्।
केही पालिकाबाहेक अधिकांशले आ-आफ्नो नीति तथा कार्यक्रम र बजेट पारित गरिसकेका छन्।
नगरपालिकाहरूको बजेट:
जिल्लाका ८ वटा नगरपालिकामध्ये सबैभन्दा ठूलो बजेट मेचीनगर नगरपालिकाले ल्याएको छ। मेचीनगरले आगामी आर्थिक वर्षका लागि १ अर्ब ८२ करोड ६ लाख ८६ हजार ४३९ रुपैयाँको बजेट विनियोजन गरेको छ।
नगरपालिकाहरूमध्ये सबैभन्दा कम बजेट भने कनकाई नगरपालिकाको रहेको छ। कनकाईले ७० करोड ५९ लाख २५ हजार रुपैयाँको बजेट ल्याएको छ।
अन्य नगरपालिकाहरूको बजेट यस प्रकार छ:
- बिर्तामोड नगरपालिका: १ अर्ब ५१ करोड ८३ लाख ८२ हजार रुपैयाँ
- दमक नगरपालिका: १ अर्ब ४७ करोड रुपैयाँ
- अर्जुनधारा नगरपालिका: ९५ करोड ९ लाख २१ हजार रुपैयाँ
- शिवसताक्षी नगरपालिका: ९१ करोड ४२ लाख रुपैयाँ
- गौरादह नगरपालिका: ८४ करोड ३४ लाख २२ हजार २८२ रुपैयाँ
- भद्रपुर नगरपालिका: ८० करोड ५ लाख २८ हजार रुपैयाँ
गाउँपालिकाहरूको बजेट:
गाउँपालिकाहरूमध्ये सबैभन्दा ठूलो बजेट कमल गाउँपालिकाको रहेको छ। कमल गाउँपालिकाले ७२ करोड १२ लाख ८२ हजार ३६ रुपैयाँको बजेट ल्याएको हो। त्यस्तै, सबैभन्दा कम बजेट हल्दीवारी गाउँपालिकाको रहेको छ, जसले ४९ करोड ७७ लाख ७१ हजार रुपैयाँ विनियोजन गरेको छ।
अन्य गाउँपालिकाहरूको बजेट यस प्रकार छ:
- कचनकवल गाउँपालिका: ६६ करोड १९ लाख ७९ हजार ५३० रुपैयाँ
- बाह्रदशी गाउँपालिका: ५५ करोड १८ लाख ३८ हजार ६०० रुपैयाँ
- बुद्धशान्ति गाउँपालिका: ६७ करोड ६७ लाख ३६ हजार ८०० रुपैयाँ
- झापा गाउँपालिका: ५१ करोड ४२ लाख ४३ हजार ५६४ रुपैयाँ
- गौरिगञ्ज गाउँपालिका: ५३ करोड ८६ लाख ९६ हजार ४४० रुपैयाँ
यी बजेटहरूले स्थानीय विकासका प्राथमिकता, पूर्वाधार निर्माण, सामाजिक सेवा तथा अन्य क्षेत्रमा गरिने खर्चको मार्गचित्र प्रस्तुत गरेका छन्।
