पूर्व गृहमन्त्री खाँणसंग मंगलबार पनि बयान लिइने

काठमाडौं । पूर्वगृहमन्त्री एवम् नेपाली काङ्ग्रेसका नेता बालकृष्ण खाँणको बयान भोली मंगलवार पनि हुने भएको छ ।

आज सोमबार सरकारी वकिलको कार्यालयमा बयानका लागि उपस्थित गराइएका खाँणको बयान आज नसकिएपछि मंगलबार पनि निरन्तर हुने भएको हो ।

बयानका क्रममा नेपालीलाई भुटानी शरणार्थी बनाएर अमेरिका पठाउन प्रकरणमा खाँणको संलग्नताबारे दर्जनौँ सवाल जवाफ भएका थिए ।

बुधबार पक्राउ परेका खाँणमाथि आइतवार मात्रै ४ दिन म्याद थप भएर प्रहरीले अनुसन्धान गरिरहेको छ ।