जसपा नेपालको केन्द्रीय कार्यकारिणी समितिको बैठक बस्दै

काठमाडौं । जनता समाजवादी पार्टी, नेपाल (जसपा)को केन्द्रीय कार्यकारिणी समिति बैठक आज बस्दैछ।

बालकुमारीस्थित पार्टी कार्यालयमा दिउँसो १ बजे बैठक बस्न लागेको हाे।

पार्टी प्रवक्ता मनिस सुमनका अनुसार बैठकमा बैशाख १० मा हुने उपनिर्वाचनबारे छलफल गरिनेछ ।

बारा क्षेत्र नम्बर २ बाट प्रतिनिधिसभा सदस्यमा निर्वाचित भएका रामसहाय प्रसाद यादव उपराष्ट्रपति बनेपछि साे क्षेत्रमा वैशाख १० गते उपनिर्वाचन हुँदैछ।

चैत ३ मा उपराष्ट्रपति बनेपछि यादवले सांसद र पार्टीबाट राजीनामा दिएका छन्। बारा २ मा कसलाई उम्मेदवार बनाउने भन्नेबारे आजको बैठकमा छलफल हुनेछ।

बारा- २ मा उपेन्द्र यादव उम्मेदवार बन्ने हल्ला छ।

जसपाले कुन-कुन मन्त्रालय लिने र कसलाई मन्त्री बनाउने भन्ने बारेमा पनि छलफल हुने बताइएकाे छ।